Diversion channel sa reclamation area ginapaabot mahuman na sa Hulyo. Madasun nga i-construct ang nahauna nga floodgate nga kabahin sa mga tikang agud masolusyunan ang problema sa baha. Malapit na sa 40 porsiento ang construction sang diversion channel sa dalan Burgos nga amo ang ginalauman makapahagan-hagan sang pagbaha sa bulan sang tig-ululan.
Ginsiling ni DPWH Assistant District Engineer Leah Jamero, madasun nga iga-connect sa diversion channel ang mga drainage system sa tion nga mahuman ang first phase sang infrastructure project sa Hulyo.
Ang DPWH amo man ang magapatuman sang nahauna nga floodgate project nga maga-angut sa diversion channel.
Samtang, sa madasun nga binulan suguran sang City Engineer’s Office kag DRRMO ang dredging operation sa Maupay kag Mambuloc Creek sa reclamation area.
Kabahin ini sa mga tikang sang siudad agud mahandaan ang epekto sang La Niña phenomenon sa madasun nga binulan.