Digicast Negros

Diutay ang nagpa rehistro para sa pinili-ay bangud sang pandemic

Tuga sang COVID-19 manubo ang voter’s registration turn out.

Ini suno kay Commissioner Rowena Guanzon nga nag siling man nga karon nga bukas ang COMELEC kun Sabado nakabulig ini.

Sa Bacolod suno sa iya nakit-an ang pagsaka sang mga naga pa rehistro sa Sabado nga adlaw.

Suno kay Atty. Kathrina Trino Cana ang elections officer sang Bacolod 2308, ang nag apply sa bilog nga bulan sang Pebrero kag amat amat naman gid nga naga damo karon.

May gina tun-an sa karon nga application sa mobile phone kun diin sarang maka pa rehistro kag may QR code nga ma generate suno kay Guanzon. Ini ang igapakita sa elections officer.

Bisan holidays bukas ang COMELEC suno sa commissioner para mahaylo ang wala pa maka parehistro nga mag pa rehistro na.

Suno sa pamuno sang COMELEC sa Negros Occidental nga si Fatima Aspan, 1.7 million ang registered voters sang Negros Occidental sa karon, sang 2019 1.8million ini.
Sa Bacolod naman as of january 18, 2021, 287,383 ang registered voters.

Exit mobile version
Skip to toolbar