Progressive Alliance of Capitol Employees ang may bag-o na nga pamuno. Ini kasunod sang pagdeklara sang mga position sa executive board nga bakante.
Suno kay Ruben Diamenta nga amo sa karon ang na elect bilang chairman, nag patigayon sang meeting ang board kaina nga gintambungan sang mayoriya sang mga miembro sini.
Wala labot sa pagtalakay sa pending nga Collective Negotiation Agreement nila, sa amo man nga meeting gin move ang pag declare vacant sang mga position sang executive Board nga gin pasar naman sang mayoriya.
Nag elect man sang bag-o nga chairman, vice chairman, secretary, treasurer, PIO kag sergeant-at-arms.
Klaro ni Diamante wala nila gin-oust si Renelo Lastierre bilang presidente.
Wala man sang may nag impluwensya sa ila sa amo nga lihok.
Antes pa man napatigayon ang piniliay, sa interview sang media kay Lastierre, iya ginsiling nga ang pag impeach sang isa ka opisyal sandig sa ila nga constitution amo nga dapat may formal nga petition ukon resolution nga gin lagdaan sang 30 percent sang total members sang union.