Desisyon sa motion for recondsideration nga gin-file sang gin-dismiss nga maestro sang Bacolod City College bangud sang sexual harassment nga reklamo ipagwa sini nga semana.
Suno kay Mayor Greg Gasataya, ang balasehan sa motion for reconsideration nga gin-file sang maestro amo ang technicalities sang kaso.
Suno sa alkalde, mahimo sa Miyerkules may desisyon na sila sa apela sang kampo sang maestro.
Damlag pa nagpagwa sang desisyon si Gasataya bilang chairman man sang Board of Trustees nga guilty ang manundulo bangud sang reklamo sang estudyante nga iya ginpangayuan sang sexual favor kabaylo sang passing grade kag favorable academic condition.
Suno pa sa alkalde, may dugang nga mga tagreklamo nga nagapadala sang messages sa iya nga naga alegar nabiktima man sang maestro.
Ginapangyuan nila anay sang ebidensya ang dugang nga mga tagreklamo kag i-assess nila ini.
Luyag sang alkalde nga may balasehan ang reklamo.
Pinaagi sa screenshots sa messenger nga app, tigayon nga naka kuha sang ebidensya ang estudyante nga babayi nga tagreklamo kag na dismiss sa serbisyo ang manunudlo.