Ginkasugtan sa pag sinapol kahapon sang Mt Kanlaon Natural Park, Protected Area Management Board Committee nga hatagan sang authority si Governor Eugenio Jose Lacson para maka issue sang special permit may kaangtanan sa gina patuman nga clearing sa sapa sa Brgy BiaknaBato sa La Castellana.
Suno kay Department of Environment and Natural Resources Negros Island Region Director, Charlie Fabre, sa September 25 maga tipon ang en banc sang PAMB sa Kapitolyo.
Sila ang maga approve sang resolution kag liwat nga maga hinyo nga tugutan ang gobernador maka issue sang special permit kag sakop na diri ang paghatag sang otoridad sa pag monitor kag sa pag control angut sa pag dispose sang mga volcanic materials nga makuha gikan sa Ibid Creek.
Paathag ni Fabre ila ginkasugtan nga ang makuha nga volcanic materials ang pwede lamang madala sa Kanlaon affected LGU kag ayhan magamit ini sa construction ukon rehabilitation.
Iga forward ang ma aprobahan nga resolution sa kay DENR Secretary Raphael Lotilla kag hulaton ang approval sini.
“Pagkatapos ng en banc i-forward namin kay Secretary for the approval. And then once approved the governor can issue now the special permit”, suno kay Fabre.
Si 5th District Rep Emilio Dino Yulo nga yara man sa pagsinapol kahapon ang nagsiling suno kay Fabre nga siya ang personal maga follow-up sa tiglikum.
Sa ocular inspection kahapon sang mga opisyales sa gina patigayon nga clearing operation, suno kay Fabre, kinahanglan nga sayluhon ang mga volanic materials bangud kun mag ulan maga balik lamang ini sa kinutkutan.
“Ang nakita kasi natin kahit na anduon sa adjacent lot hindi ma acccomodate ang (hardened) lahar, kasi marami. To monitor properly the disposition of the (hardened ) lahar kailangan ma cover siya ng permit na maibigay natin kay governor na siya na ang mag control na gamitin doon sa rehabilitation, sa construction within the municipality affected by Mt Kanlaon”, suno kay Fabre.
Buhaton man ang dredging master plan sa September 25 nga sinapol.