Gina usisa sa karon kun ano ang ginhalinan sang flash flood nga nagluntad sang Nobyembre 4 nga gintunaan sang pag kautas sang kabuhi kag pag kaanod sa mga pamalay sa pila ka mga banwa kag siudad sa Negros.
Nagpatigayon na sang aerial survey ang Office of the Civil Defense upod ang iban nga ahensya sang gobyerno para ma pat-od man ang kadakuon sang kahalitan nga natuga sang flashflood sa Negros.
Suno kay DENR Regional Director Charlie Fabre ang personnel gikan sa Mt Kanlaon Natural Park, Mines and Geosciences Bureau kag team gikan sa Manila ang naga patigayon na sang pag pangusisa.
Tuyo sini nga mahibaluan kun ano ang gintuan sang flash flood.
Naga gwa man ang impormasyon nga may landslide nga natabo sa bukid sang Kanlaon nga amo ang nagdala sang mga bato sa Canlaon City kag La Castellana bisan pa sa Moises Padilla.
Suno kay Fabre ini ang indi man nila ma kumpirma tubtob nga mahuman ang pag pangusisa.
Sa La Carlota City makit-an ang mga kahoy upod sa lunang sang pag baha. Ang forested area sa Kanlaon suno kay Fabre ang malapit na sa bulkan.
Dugang pa niya gina lantaw man nila ang volume sang ulan sang amo nga tion.
“Pinapuntahan po muna namin sa tao namin baka mali ang impormasyon natin na maibigay. Actually mataas yung rainfall, pero kung galing sa Mt Kanlaon, (not the volcano), siguro, kasi yung area natin sa Kanlaon is more on vegetable garden na. Yung forested yung malapit sa volcano. Pinapuntahan namin sa tao namin. Hopefully, they can give us exact information of what really caused the volume of water at tsaka yung rock na naka punta doon mismo sa Canlaon City.
Kung sa malayo may mga landslide but hindi natin ma confirm kung yun mismo ang nagdala ng mga bato mismo sa City ng Canlaon”, suno kay Fabre.*