Dengue deaths sa Negros Island Region ang nadugangan. Sa datus sang Department of Health NIR, 36 ang reported dengue deaths as of October 10, 2026.
Kun basehan by age group, ang 6 to 10 year old nga age group ang nag record sang may pinaka madamo nga dengue deaths – 11. Naga sunod naman ang 21 to 30 year age group nga may yara sang 6 deaths recorded nga gina sundan sang above 60 nga may 5 deaths.
Humalin Enero 1 tubtob Oktubre 10, may 6,406 ka dengue cases ang na report suno sa DOH NIR. Kun ipaanggid sa kasubong nga tion sang 2025 mas nubo ang cases nga na record subong nga tuig sa 18 percent.
Kag sa gihapon ang 6 to 40 year old nga age group ang may pinaka madamo nga dengue cases nga na-record – 1,290 ukon 20 percent sa kabilugan nga gin-report dengue cases.
Wala untat ang pahanumdom sang otoridad sa mga pumuluyo nga ipasiguro nga matinlo ang palibot. Ipasuguro nga wala sang lugar nga maga serbe pugaran sang lamok. Kun naga lain ang pamatyag labi na ang pag hilanat mas maayo nga mag konsulta sa duktor. Ang paghilanat, pag lanakit sang kalawasan, rashes ang pila lamang sa mga sintoma sang dengue.
[sibwp_form id=1]