Humalin Enero tubtob August 3, 1,520 ang dengue cases nga na record sa Negros Occidental suno sa kay Provincial Health Officer, Dr Girlie Pinongan.
75.32 percent ini nga mas mataas kun ipaanggid sa kasubong nga tion sang 2023.
Anum naman ang dengue related deaths.
Kalabanan sa mga apektado suno kay Pinongan yara sa 1 to 10 years old nga pang-edaron.
Gin-activate na ang mga dengue fast lanes suno sa PHO. Sipalay City, Hinoba-an kag Cadiz ang may mga matag-as nga kaso.
Mga district hospitals sa probinsya bisan pa mga rural health units ang puno bisan gani mga private hospitals suno kay Pinongan.
Kun sarang nga maka dugang sang beds gina abisuhan nila ang mga ospital nga magpatuman sini.
Ang Cadiz District Hospital nagdugang na sang dengue ward.
Nag pakig-angut naman sila sa Corazon Locsin Montelibano Memorial Regional Hospital nga iga-accommodate ang mga pasyente nga kinahanglan sang pagtatap gikan sa tertiary hospital.
Nagapanawagan si Pinongan sa publiko nga mag mangin matinlo bangud mahapos man lamang tapnaon ang dengue paagi sa matinlo nga palibot.