Dengue cases sa siudad sang Bacolod ang nagasaka.
Sa datus sang Bacolod City Health Office, 4.6 percent nga nagsaka ang kadamuon sang dengue cases sa November 13 sini nga report kun ipaangid sa kasubong nga tion sang 2020.
296 ang ginreport nga dengue cases sang CHO sini nga 2021, 3 diri ang napatay.
Ang Barangay Singcang-Airport kag Alijis ang may clustering of cases ukon may na record nga tatlo ka dengue cases ukon sobra pa sa sulod sang apat ka sunod-sunod nga semana.
Samtang, padayon man ang monitoring sang CHO sa leptospirosis nga balatian gikan sa ilaga.
Sa report sang CHO, may 24 ka suspected leptospirosis cases kag isa naman ang kumpirmado.
Padayon ang information drive sang CHO bahin sa waste management para malikawan ang amo nga masakit kasubong man ang vector management.