May pila na ka mga balay ang na-demolish sa Barangay 12 nalakip na diri ang sa sulod kag gwa sang Vendors Plaza nga kabahin sang 3 hectare property sang siudad nga iga-develop sang SM Primeholdings Incorporated.
Pero may nabilin pa nga pamalay sa likod sang Manokan Country nga wala pa gihapon nakakas.
Ginsiling ni City Legal Officer Atty. Romeo Carlos Ting, Jr handa ang siudad nga ipaiway ang demolisyon samtang naga-inulan.
Padayon pa man ang ginahimo nga pagpanghanda sang siudad sa relocation site nga mangin salayluhan sang masobra 140 ka pamilya nga apektado sang joint development project.
Natigayon na nga napalab-ot sang siudad ang financial assistance para sa ila.