Bacolod LGU ginapasiguro nga indi maapektuhan ang delivery sang essential services tuga sang epekto sang bag-o nga procurement guidelines.
Indi lang ang pagbakal sang suidad sang mga school supplies nga tuigan nga ginahatag sang libre sa mga public elementary students sa Bacolod ang na-delay tuga sang panibag-o nga guidelines sa idalom sang Republic Act 12009 ukon ang New Government Procurement Act of 2024.
Ginpahayag ni Secretary to the Mayor Atty. Jose Marty Go nga kalabanan sa mga nasuguran nga bidding process antes pa man sang ginpatuman nga election ban ang ginakinahanglan nga maliwat kabahin sang pagsunod sa guidelines.
Gani pati ang pila ka mga programa kag proyekto kag ang pagpamakal sang mga logistical supply and equipment sang siudad ang apektado.
Pero ginpasaiguro sang Bacolod LGU nga sa pihak sang delay sa bahin sang ginapatuman nga procurement process nga indi ma apektuhan ang ginapatuman nga essential services sang siudad.
Magluwas sa pag gamit sang bag-o nga mga bidding documents nakasaad sa Section 38 sang RA 12009 nga kinahanglan nga video recorded ang pre-procurement meetings, pre-bid conferences kag bid openings nga ginapatuman sang katapo sang Bids and Awards Committee.
Kabahin ini sang pagpasiguro nga mangin efficient, convenient kag transparent ang government procurement.