Ginbaton sang Bacolod City ang isa ka delegasyon gikan sa Sivilay School sang Luang Prabang, Laos, upod ang mga partner nga Souphanouvong University kag Educators of Negros Island Inc., bilang kabahin sang tikang sa pagpabakod sang international cooperation sa edukasyon.
Ang pagbisita amo ang masunod nga tikang matapos ang professional visit sang mga propesor sang Bacolod City College sa Lao PDR sang nagligad nga Nobyembre, kun sa diin gintalakay ang posible nga institution-to-institution partnership, lakip na ang foreign faculty kag student exchange programs.
Ginpasiguro sang pamunuan sang siudad kag BCC nga ang tanan nga kasugtanan tun-an anay sang maid-id agud masiguro ang legalidad kag makabenepisyo diri ang mga estudyante sa Bacolod City.*