Buas na kuntani ang deadline para sa SIM registration sa Pilipinas pero kaina sang aga gin anunsyo ni Depart of Justice Secretary Jesus Crispin Remulla ang extension sang deadline sa sulod sang 90 ka adlaw.
Ini sa pihak sang announcement sang Department of Information and Communication Technology nga indi na pag i-extend ang deadline.
Ang sadto anay mahinay nga dalagan sang SIM registration nga naga lab-ot sa average nga 200,000 per month ang hinali na lang nagdamo sang naga palapit na ang deadline.
Sa report sang Globe, humalin sang weekend naglab-ot sa 1 million ang nag hingagaw pa rehistro sa kada adlaw.
Indi tanan pabor sa SIM registration kag naga kwestyon sang legalidad sini pero ini ang sabat sang gobyerno sa naga lala nga problema sa scam gamit ang SIM cards nga wala ma rehistro.