Punong Barangay Joseph De los Santos nagpahayag nga siyagihapon ang lehitimo nga kapitan sang Barangay 16 sa Bacolod bisan wala ginakilala sang Department of the Interior ang Local Government.
Bisan wala anay nagapirma sang mga dokumento sang barangay, nagapanindugan si De los Santos nga siya gihaponang punong barangay sang Barangay 16.
Ini bisan pa ginserbe na sang konseho sang siudad ang 6 months suspension batuk sa iya may kaangtangnan sa ginpasaka ngakaso administratibo sang katapo sang barangay council.
Si DILG – Bacolod head Maredith Joy Madayag damlag pa nagsiling na nga si Acting Punong Barangay Stella Dela Pena amo ang ginakilala lider sang barangay matapos ginpaidalom sasuspension si De los Santos.
Pero para sa suspended punong barangay, magluwas nga wala sang mando halin kay Mayor Albee Benitez indi man sarang makapatuman sang suspension ang siudad tungod sang banning period sa natalana ngaBarangay kag SK Elections.