Sang Sabado una nga ginpasirado sang lokal nga panguluhan sang Silay ang dalan padulong sa suba sa Sitio Lupa sa Barangay Kapitan Ramon bangud naga dinagsa na kag naga ginutok ang mga tawo sa amo nga lugar bisan pa may pandemic kag naga saka ang kadamuon sang kaso sang Covid-19.
Suno kay Mayor Mark Golez, sa nabaton nila nga impormasyon gikan pa sa nagkalain lain nga bahin sang probinsya ang naga dagsa sa mo nga suba sa kada adlaw. Gani para likaw sa latnanay sang
balatian, ginpakamaayo sang lgu nga temporaryo lang anay nga ipasira ang alagyan padulong sa suba nga kabahin sang malogo river para indi magdagsa ang tawo didto.
Kaina naka lab-ot sa iya ang impormasyon nga bangud sa pagpasira sang alagyan padulong sa Sitio Lupa, nag dagsa na naman ang tawo sa dam sa Barangay E Lopez nga kabahin man sa gihapon sang Malogo River.
Didto naman naga dagsa ang tawo kag mga bisita na gikan sa nagkalain lain nga mga lugar ang nagapadulong didto.
Suno sa alkalde iya ini nga ginpausisa kag ginpasirado man anay ang alagyan pakadto didto para likaw man sa paglatnanay sang balatian.
Ang suba nahamtang sa boundary sang EB Magalona kag Silay nag desisyon man ang LGU sang EB Magalona nga sirad-an anay ang mga alagyan padulong sa amo nga mga suba.
Kun weekend popular karon nga kaladtuan ang silay ilabi na ang barangay patag, lantawan kag mga kaiping sini nga mga barangay.
Gani ginpakamaayo man sang siudad nga mag butang sang checkpoints para sa seguridad sang mga turista kag mapabilin sa gihapon ang kalinong sa sini nga mga lugar.