Cash assistance kag fuel subsidy para sa mga mangunguma ang gina handa man sang Department of Agriculture sa tunga sang pag panghangkat karon nga gina atubang dala sang pag timbook sang presyo sang gatong.
Paathag ni DA Negros Island Director, Engr Jose Albert Barrogo, kada tuig may yara financial assistance nga gina hatag sa mga mangunguman nga may yara sang duha ka ektariya panubo nga gina uma. Ini ang ila gina tinguhaan nga ma-release na.
May fuel subsidy man nga iga-release sa mga mangunguma nga ginhatagan sang machineries lakip na mga kooperatiba nga may yara man sang ila kaugalingon nga equipment kag bisan pa yadtong mangunguma nga may yara sang ila nga equipment.
Hatagan man ang mga fisherfolks.
Pero, wala pa ini mapat-od kun pila ang kantidad.
Unahon anay release ang fuel subsidy nga P5,000 nga gikan pa sa budget para sa Negros Occidental nga gikan pa sadto sa Region 6.
736 ka mga mangunguma ang yara sa amo nga listahan.
“Ang sa fuel naman may nabilin kita nga slot from Region 6 for Negros Occidental nga 700 plus farmers for fuel assistance, gin turn-over nila sa aton so amo na na ang gin pang validate namon. So amo na na siguro ang una matagaan sang tag P5,000. 736 farmers. Pero ang sa 2026 nga fuel subsidy because of this crisis naton, amo nga gina ready lang namon, gina pang validate namon and then ga-wait kami kun pila ang amount nga I-download sang central office”, suno kay Barrogo.
[sibwp_form id=1]