Masobra sa P1 billion balor sang kahalitan nga natuga sa pananum dala sang Bagyo Tino kag Uwan sa Negros Occidental.
Ini base sa report sang Department of Agriculture Negros Island Region as of November 18, 2025.
Ang kahalitan sa high value crops ang pinaka daku – P 596.4 million kag nagasunod ang palay nga may kahalitan nga P207.1 million.
May kahalitan man sa mais, kasubong man livestock kag poultry.
21,053 ka mga mangunguma ang apektado.
Suno kay Engr Jose Albert Barrogo ang regional director, nalakip sa ila nga proposal ang alternative livelihhood sa mga mangunguma labi na ang yadtong mga talamnan nga nagkalatampukan sang bato kag debris.
Nalakip sa proposal para sa mga may farms nga totally devastated sa La Castellana kag La Carlota ang pag hatag sang mga manok nga ready to lay kasubong man mga karabaw para may temporaryo sila nga palangabuhian.
Mahimo ini ang kuhaon sa Quick Response Fund sang DA suno kay Barrogo.
“For those farmer gid ya nga totally devastated ang ila nga farms, especially sa La Carlota kag La Castellana, ang talamnan nila nga indi matamnan gid ya because natabunan na sang bato kag mga balas kag debris, right now gina lantaw namon ang sitwasyon nila nga indi na sila maka balik for 6 to 8 months nga pag panguma. So amo na gin resolve namon, ang amon proposal, project. Ang ready to lay chicken nga project”, suno kay Barrogo.*