Digicast Negros

Curfew sa Bacolod mangin 11pm-3am humalin Dec. 15-31

Siudad sang Bacolod ang nagpahanugot na sa hinyo sang Diocese of Bacolod nga adjustment sang night curfew para mahatagan sang ligwa ang paghiwat sang simbang gabi.

Suno kay Bacolod Mayor Evelio Leonardia, may ginadihon na karon sa sangguniang panlungsod nga ordinansa para himuon na lamang nga 11pm tubtob 3am ang curfew sa siudad humalin Disyembre kinse tubtub trentay uno.

Ini agud magluwas nga makahiwat sang simbang gabi ang simbahan katoliko, mahatagan man sang dugang nga tini-on ang publiko nga makagwa sa ila balay para makasaulog sang paskwa kag bag-ong tuig.

Pero ginpahayag sang alkalde nga dapat estrikto gid nga pagasundon ang minimum health protocols sa sulod sang simbahan kag mga lugar nga ginakadtuan sang mga pumuluyo para magsaulog sang paskwa.

Maga deploy ang Bacolod City Police Office sa mga simbahan sang mga pulis para masiguro nga mapatuman ang health protocols.

Nagapanawagan man si Leonardia sa mga pari kag pastor sang mga simbahan nga maghimo sang ila kaugalingon nga pamaagi kun paano mapatuman ang health protocols.

Exit mobile version
Skip to toolbar