Pagpatuman sang curfew for minors sa mga barangay ang ginmando ni Mayor Albee Benitez kabahin sang tikang agud mapangapinan ang mga menor de edad. Indi tanan nga barangay sa Bacolod nagapatuman sang curfew for minors sandig sa natukod nga ordinansa.
Gani luyag ni Mayor Albee nga magtukod sang comprehensive plan ang katapo sang Liga ng Barangay para masiguro nga ginapatuman ang pagsulundan. Ini agud mas maamligan ang mga menor de edad batuk sa posible pagluntad sang kriminalidad.
Ginsiling ni Barangay Singcang-Airport Punong Barangay Caesar Distrito nga spokesperson sang alkalde, nga magabalay sila sang comprehensive plan para mapatpat ang mga polisa, pagtalana sang pondo kag penalidad.
Samtang, kabahin man sa na-diskusyunan sang pagsinapol sang katapo sang liga ang pagtalana tig-P1M sa mga barangay para ma pabaskog ang kampanya bahin sa emergency response.