Nagsaka sa 24.9 million pesos ang kahalitan nga natuga sa pananom sa probinsya bangud sang El Nino Phenomenon.
Sa report sang Office of the Provincial Agriculturist as of February 23, kay Negros Occidental Governor Eugenio Jose Lacson, 24,958,943 pesos ang balor sang kahalitan sa humayan kag maisan.
Nalakip sa apektado nga mga lugar amo ang Himamaylan City, Isabela, Binalbagan, Moises Padilla kag Hinigaran sa 5th District, Cauayan, Hinoba-an, Sipalay City kag Ilog sa 6th District.
Ginsiling ni 5th District Congressman Dino Yulo nga mga duha ka bulan ang nag ligad nag hinyo na sya sa Sugar Regulatory Administration kag Department of Agriculture para sa cloudseeding operation para mapa hagan hagan ang epekto sang El Nino phenomenon.
Ugaling tubtob sa karon wala sang feedback.
Mangin mabudlay ang financial assistance bangud suno kay Yulo wala sang pondo sa iya nga talatapan para diri magluwas na lamang kun mismo ang national government maga pain sang pondo.
“Wala pa man sang feedback (sa cloudseeding). I think that was two months ago, nagpanawagan kita so I think we need to reiterate, particularly sa subong nga nag heighten na gid ang init sa ika lima nga distrito”, suno kay Yulo.
May 581 na ka mga mangunguma ang apektado nga may sakop nga 539 hectares sa report sang OPA.