Cooperative members ginpaidalom sa gender sensitivity training kabahin sang mga tikang agud mapasanyog ang gender awareness kag mapaiway ang konplikto bahin sa katapo sang LGBTQ.
Sa pagpanguna sang Bacolod Gender and Development Council napaidalom sa gender awareness training ang mga katapo sang livelihood cooperative sa siudad.
Ginsiling ni Councilor Celia Flor, pamuno sang Committee on Women, Gender, Family and Childcare sang konseho nga kabahin ini sang tikang para mas mapasangkad ang ihibalo angut sa mga gender-related issues, nalakip na diri ang pagpaiway sang mga insidente kasubong sang nagviral nga pagharass sang isa ka katapo sang LGBTQ sa waiter nga iya ginpatindog sang inoras matapos gintawag siya nga SIR.
Gindugang ni Flor nga ginakinahaglan man ang pagtukod sang dugang nga pasilidad bisan ang para sa miyembro LGBTQ. Ginduso niya ang pagtalana sang separado nga comfort rooms nga para sa LTBTQ sa tuyo nga mapabaskog ang programa bahin sa gender sensitivity awareness.