Tungod sang pagnubo sang Covid-19 cases temporaryo nga magabalik anay sa City Health Office compound ang consultation para sa mga persona nga may Covid-19 symptoms.
May isa ka Covid-19 case ang Bacolod kahapon base sa record sang DOH Region 6.
Suno kay Dr. Edwin Miraflor, OIC sang City Health Office, magapabilin naman ang Bacolod Respiratory Outpatient Center Bays Center sa pagbaton sang symptomatic patients.
Pero suno sa iya mas madiutay nga personnel kag magamay na lang nga venue ang gamiton para sa BRO center.
Ang BRO center ang magaserbe nga testing area para sa mga pasyente.