Padayon pa ang consultation angut sa gina duso nga pag kambyo balik sa Hunyo sa pagbukas sang klase.
Ini suno kay Ian Arnold Arnaez ang Public Information Office sang DepEd Negros Occidental nga nag paathag nga indi man gilayon mapatuman ang pag kambyo sa school calendar.
Kun mapatuman man gid, ini sa school year 2025-2026 na.
Indi man abi ma palip-ot ang break sang mga manunudlo ka mga estudyante suno kay Arnaez.
Pero sa tion nga indi man ma tigayon ang pagkambyo sang school calender may mga options nga pwede ma adpat sang mga eskwelahan.
Kun tuman ka init sarang nga maka gamit sang alternative mode of learning.
Suno kay Arnaez, para masabat ang mga pagpanghangkat nga gina atubang pwede nga maka strategize ang mga eskwelahan.
“Kun indi man siya madayon, kun depende sa sitwasyon sang palibot, gina lantaw ta gid man be ang isa ka daku nga problema sang eskwelahan, kun tig-ilinit indi siya conducive ang mga classrooms naton. However, may options gid sila ya nga mag distance learning to a certain number of days within the week ukon pwede sila ka strategize sa ila obra like let’s say maka half-half sila sa mga estudyante para indi amo na ka tam-an ka init”.