Construction sang mini-hospital sa relocation site sa Barangay Vista Alegre ang ginapaabot masuguran sini nga tuig.
Gin-anunsyon ni Mayor Albee Benitez nga magluwas sa ginatukod nga Bacolod City General Hospital sa Barangay Vista Alegre, igatukod man relocation area nga sakop sang amo nga barangay ang isa pa ka mini-hospital.
Plano sang alkalde nga sarang makabaton sang admission ang 10-bed mini-hospital nga sarang mahuman sini nga tuig.
Ginsiling ni Councilor Claudio Puentevella, pamuno sang Committee on Health sang konseho nga ginatapos na ang plano kag disenyo sang mini-hospital nga kabahin sang 5 tanan ka mga infrastructure project nga itukod sa siudad.
Gikan sa loan agreement ang kabilugan nga P250M nga pondo nga gamiton para sa construction sang 5 ka mini-hospitals nga itukod pati sa Barangay Cabug, Alijis, Mandalagan kag Barangay 2.