Ginakay-o nga bahin sang dalan sa BS Aquino Drive sa Bacolod City ang ginareklamo sang pila ka mga netizens bangud nagatuga ini sang tuman nga traffic.
Suno sa Department of Public Works and Highways Bacolod District Office, ang gina obra nga dalan ang duha ka separado nga proyekto sang ila ahensya.
Ang isa ka bahin ang target nga mahuman sa maabot nga bulan sang hunyo samtang sa setyembre naman ang nabilin nga bahin.
Suno sa DPWH, nagtuga sang gamay nga delay ang proyekto bangud kakulang sang semento sa bahin sang contractor.
Pero sarang nga matapos sa gihapon ang proyekto sa target date bangud wala man naga untat ang construction bisan sa gab-i kag sa weekend.
Nagpangayo man ang DPWH sang bulig sa Bacolod Traffic Authority office para mabutangan sang traffic enforcer sa apektado nga mga dalan ilabi na kun rush hour.
“May mga causes man sir sang delay eh tungod man sang weather kung kis-a and then per our information last two weeks, three weeks ago daw may scarcity sang cement so that’s why nga medyo na delay ang contractor ta,” Engr. Ferdinand Magada, construction chief, DPWH Bacolod.