Sa pagbisita ni Tourism Infrastructure and Enterprise Zone Authority Chief operating officer Mark Lapid ginduso ni Mayor Albee Benitez upod kay Councilor Celia Flor nga pamuno sang Committee on Markets and Slaughterhouse ang pagtukod sang bag o nga building para Manokan Country nga isa sa mga atraksyon sa Bacolod.
Nalakip man diri ang dugang nga lighting project para sa Luzuriaga Mausoleom sa corner sang Burgos kag Lopez Jaena Street nga ginakabig heritage site sa siudad.
Ang alkalde ang magasapol naman sa mga stall owners sang Manokan angut sa proyekto upod sa Department of Tourism kag TIEZA nga posible masugdan sa madasun nga tuig.
Kabahin man sa ginadihon sang TIEZA ang pagtukod sang dugang nga Tourist Rest Area sa siudad sa madasun nga tuig agud mapasanyug pa ang tourism industry sa pungsod.