Ang patag sang turismo ang isa sa labing naapektuhan sang pandemya.
Suno kay Negros Occidental Governor Eugenio Jose Lacson, dala sang sitwasyon subong, ang kuntani plano sa Mambukal Resort ang gin paiway anay.
Ini ang naga lakip sang construction kag dugang kuntani nga mga rooms.
Sa karon ini ang ginagamit nga health facility sang mga empleyado sang gobyerno probinsyal nga apektado sang Covid – 19.
Wala sang masyado nga mga bisita ang probinsya.
Wala sang mga dumuluong bisan gani mga bisita gikan sa lokal nga lebel.
Maayo na lang nga may mga yadtong pang nagabisita man sa mga baybay kasubong sa Sipalay suno sa iya.
Sini lamang nag courtesy call ang mga opisyales sang Association of Tourism Officers of Negros Occidental sa gobernador.
Samtang, suno kay Lacson, sa tunga sang pagpanghangkat sa ekonomiya, padayon ang mga proyekto sang probinsya nga karon naka tutok sa agriculture lakip na livestock.