6th District Representative Mercedes Alvarez ang isa sa mga gin-task nga mag co-chair sang technical working group para sa gina duso nga Negros Island Region.
Suno kay Alvarez upod sang isa ka tiglawas man gikan sa Cebu, siya ang co-chair sang technical working group para sa NIR proposal. Paathag niya, sila ang gin-task ni Representative Rex Gatchalian nga pamuno sang Local Government Committee bangud nga naga vary ukon may kinatuhay ang amo nga proposal.
Sa karon gina hulat pa nila ang sabat ukon ang mga position paper sang nagkalain-lain nga ahensya, nalakip na diri ang iya sang Department of Budget and Management nga labing importante sa tanan.
Gina lauman nila nga antes pa man matapos ang tuig tigayon na nila nga mabaton ang mga sabat agudto maka convene na ang Technical Working Group sa Enero.
Suno kay Alvarez, wala pa man nila nabaton ang opisyal nga pagduso sang pagtuga sang sub-regions nga gina propose man sang DBM kag National Economic Development Council tigaylo sang NIR. Suno kay Alvarez, ini ang iya man anay nga paga tun-an.
“The proposal as to the sub-region, wala pa man na siya formally gin put on the table by any of the members kay wala pa man ka convene ang TWG, it is because we are the position paper of some of the agencies ang Local Government Units”, suno kay Alvarez.