Sini lamang nga hapon nag file sang iya nga certificate of candidacy si Third District Representative Francisco “Kiko” Benitez para sa iya nga ika second term.
Si Benitez ang gin updan sang iya nga utod nga si Albee Benitez kag anak nga si Javi nga damlag pa nag file na sang iya nga COC sa pag ka alkalde sa siudad sang Victorias.
Si anay congressman Albee Benitez naman nagsiling nga siya ang maga file sang iya nga COC sa pagka alkalde sa Bacolod sa bwas nga adlaw.
Lubos ang suporta sang mga alkalde kag iban pa gid nga opisyales sang third district kay Cong Kiko nga nag upod man sa iya nga filing sang COC sini nga hapon, magluwas lamang sa mga yadtong naigo sang Covid-19.
Suno sa kongresista, luyag niya nga kuntani maga updanay sila sa gihapon sang mga pumuluyo pagkatapos sang 2022.
Suno kay Cong Kiko madamo siya sang proyekto nga napatuman kag nasugdan, pero isa sa mga luyag niya nga idugang amo ang digital infrastructure transformation sa palaabuton. Suno sa iya kinahanglanon ini para sa economic recovery labi na karon nga pandemic.
Sang Domingo sa isa ka press conference, ginsiling ni Cong Kiko nga malapit sa 5 billion pesos ang napatuman ng infratstructure and assitance pojects sa third district, nag author siya kag nag co-authore sang 277 ka mga hagna sa iya nga first term.
Samtang, ginhimutig man ni Cong Kiko ang gina alegar hakot system kun sa diin ang mga residente sang third district ang gina siling gina dala sa Bacolod para magboto. Nag gwa ang mga alegasyon nga may pagsaka sa mga out of town voter registrants sa bacolod bagay nga damlag pa ginhimutig na sang Comelec – Bacolod.