Nagsaka sa 13 ang kumpirmado nga pertussis cases sa Negros Occidental.
Ini base sa datus nga gin-release sang Provincial Health Office subong nga adlaw.
Suno kay Provincial Health Officer, Dr Girlie Pinongan, may 54 kag pertussis related cases ang probinsya. 13 diri ang confirmed pertussis cases. Nalakip sa 13 ang isa ka bulan nga lapsag nga lalaki nga damlag pa nagtaliwan. Suno kay Pinongan, ang isa ka duha ka bulan nga lapsag nga babaye nga gin-report napatay bangud sang probable pertussis ang nag negatibo sa test. Kalabanan sa nag positibo yara sa zero to 9 months old. Sa karon suno kay Pinongan, 24 ang total nga may negative result sa ila nga ginpa test sa Research Institute for Tropical Medicine. 17 naman ang probable cases, ukon ang naga hulat pa sang resulta. Panugyan ni Pinongan sa mga ginikanan, nga kun sa mga eskwelahan may yara sang naga-ubo mas maayo nga pagamiton sang mask ang kabataan. Mas madasig ang latnanay karon labi na sang kainiton sang panahon. Kun may gina batyag mas maayo nga mag pakonsulta sa sentro ukon sa kaugalingon nga duktor.
“Sa subong wala man kami reported nga daw ka alarming nga ara sa school pero subong sa kainiton kag sa klima ta ya, may posibilidad nga damo aton gina ubo nga mga children. Sa sobra nga init ang hydration ta, kinahanglan ta gid ang tubig. Sa school kun may gina ubo da mas mayo kun may ara kita mask for the children”, suno kay Pinongan.