Upod sa katapo sang City Joint Peace Security Coordinating Council, magapatuman sang site inspeksyon ang Comelec sa Government Center agud mapasiguro nga mangin matawhay kag malinong ang canvassing para sa national kag local elections.
Suno kay Atty.Revo Sorbito, kinahanglan nga mapatpat ang mga area nga italana para katapo sang Electoral Board kag sa mga poll watchers kag supporters.
Strikto nga ipatuman ang social distancing sa mismo canvassing area. Gani limitahan ang mga tumalambong sa tion sang canvassing.
Magatalana man sang Civil Disturbance Management Unit ang Bacolod City Police agud mapaiway ang posible kinagamo sa canvassing asta na sa ceremonial proclamation.