Ipatuman na sang Commission on Elections ang gun ban sumugod sa Dominggo bilang pag panghanda sa piniliay sa Mayo. Ang gun ban ang maga lawig tubtob Hunyo 8.
Gani suno kay Police Lt Abegael Donasco, spokesperson sang Negros Occidental Police Provincial Office, maga sugod naman ang NOCPPO sang pag patigayon sang checkpoints
Para ma siguro nga wala sang mga persona ang maga dala sang ila nga mga armas sa tion sang gun ban.
Ipatigayon man suno kay Donasco sang kapulisan ang plain view search ukon ang visual check sa mga checkpoints nga ipahamtang sa nag kalain lain nga mga banwa kag siudad sa probinsya.
Ang mga may exemptions lang suno kay Donasco amo ang sarang mag dala sang armas. Sarang naman ma confiscate ang armas kag ma aresto ang mga maga lapas sa Comelec gun ban.