PNP naga sugod na sang pagpatigayon sang Comelec checkpoint, taga Kabankalan una nga gunban violator sa Western Visayas.
Pagpatak las dose uno sang kaagahon sang kahapon, Enero 9, nag sugod na ang pagpatuman sang Comelec gun ban ukon ang pag dumili sang pag dala ukon pag bitbit sang mga armas bilang pag pang handa sa piniliay sa Mayo.
Ini ang magalawig tubtob sa Hunyo 8.
Ang mga kapulisan sa probinsya lakip na sa Bacolod ang nagpatigayon man sang simultaneous checkpoints agud ma siguro nga wala sang may mga motorista nga nagabitbit sang armas.
Buena mano naman nga may nadakpan sang kagab-i sa checkpoint sa Kabankalan City nga amo ang una nga gunban violator sa Western Visayas.
Gin aresto ang 21 anyos nga pasahero sang tricycle nga si Christopher Gaisen matapos makita sang mga pulis nga may unod nga armas ang iya nga bag.
Na recover sang kapulisan ang calibre 38 nga armas nga may lima ka bala.
Wala man may napakita nga dokumento ang suspek para diri. Detained siya karon sa Kabanklan PNP.