Digicast Negros

Comelec Bacolod gin-disinfect; Comelec Negros Occidental maga patigayon sang voter’s registration para sa Bacolod

Ginpatigayon sang Lunes sang aga ang disinfection sa talatapan, matapos may isa ka katapo sang Comelec Bacolod ang nagpostibo sa Covid-19.

Suno kay Atty Kathrina Trino-Cana, ang elections officer sang Bacolod, naka isolate sa karon ang katapo sang Comelec Bacolod kag naga hulat magpaidalom sa swab test. Sa protocol suno kay Trinio-Cana, lima ka adlaw matapos ang exposure sa nagpostibo amo ang pagpaidalom sa swabbing. Sabado ang ulihi nila nga exposure sa nag positibo.

Damlag pa nagsira man ang Comelec Bacolod matapos ang tatlo ka personnel sini ang nag positibo man sa Covid-19.

Sini lamang nga hapon, nakabaton sang memorandum ang talatapan ni Trinio-Cana nga naga siling nga ang acting provincial elections supervisor nga si Atty Fatima Aspan ang temparoryo nga maga serbe nga elections officer sang Bacolod kag ang talatapan sang provincial elections supervisor ang maga patigayon sang voter’s registration sumugod bwas nga adlaw para sa Bacolod.

Exit mobile version
Skip to toolbar