Dead on arrival sa ospital ang college student nga nakabunggo sa naga u-turn nga salakyan sa dalan Araneta, Purok Hanapbuhay sa Barangay Pahanocoy, Bacolod City, mga las 8:30 Miyerkules sang gab-i.
Nagwa sa imbestigasyon nga gikan sur kag padulong norte ang Mazda Bonggo nga ginamaneho ni alyas “Jethor”, 53-anyos.
Paglab-ot sa lugar, nag u-turn ang salakyan, kag didto na nagbunggo sa likod sini ang nagasunod nga Honda Click nga motor ni alyas “Jester”.
Ginkasubo sang College of Business and Accountancy sa University of Negros Occidental-Recoletos ang pagtaliwan ni alyas “Jester”, nga ila ginlaragway bilang isa ka talentado nga student performer sa pila ka mga dance competitions.
Agod makabulig sa iya pag-eskwela, si “Jester” ang naga-buy-and-sell sang mga gadgets kag isa man siya ka real estate agent.
[sibwp_form id=1]