Contact tracing sa mga ginakabig close contact sang pasyente nga napatay tuga sang suspected rabies ginapatuman sang Bacolod CHO.
Magluwas sa separado nga pagpangusisa nga patigayunon sang Provincial Health Office sa kaso sang 25 anyos nga napatay tuga sang suspected human rabies sa Kabankalan City, nagapatigayon man sang contact tracing ang katapo sang Bacolod City Health Office sa mga ginakabig close contact sang pasyente nga nagapuyo sa Barangay 35 sa Bacolod.
Ginpahayag ni Environment and Sanitation Head, Dr. Grace Tan, ila na natagaan sang post exposure prophylaxis ang mismo live-in partner sang napatay nga pasyente.
Sa record sang PHO, ang pasyente ang nakagtan sang ido sa Kabankalan City sang Marso.
Mayo 24 sang gin-admit siya sa Corazon Locsin Montelibano Memorial Regional Hospital sang maglain ang pamatyag, nagapalanuka kag may kahadlok sa tubig.
Masunod na nga adlaw sang Domingo sang nagtaliwan ang pasyente. Ini ang ikaapat nga suspected human rabies death sa probinsya nga ginakabig maka-alarma sang PHO.