Ang team sang Commission on Human Rights – Negros Island Region ang nagpadulong na sa Toboso angut sa ila nga pag pangusisa sa natabo nga encounter sadtong Abril 19 nga ginkamatay sang 19 ka gina alegar katapo sang NPA.
Suno kay Vincent Parra sang CHR NIR yadto na ang ila nga team sa Toboso. May pending man sila nga request sa PNP angut sa importante nga mga datus. Naga coordinate naman sila kay Mayor Richard Jaojoco sang Toboso kag Punong Barangay Romeo Sultan sang Salamanca para sa ila gina hinyo nga assistance sa ila nga pag padulong sa encounter site.
Nalakip sa 19 ka napatay, ang mga Filipino-American nga sanday Lyle Prijoles, 40, sang San Francisco nga country council member sang International Coalition for Human Rights sa Pilipinas kag Kai Sorem, 26, sang Washington kag isa sa mga founding officers sang Anakbayan South Seattle.
Ang UP student leader nga si Alyssa Alano, UP Open University Student nga si Maureen Santuyo kag community journalist nga si RJ Nichole Ledesma, duha ka mga menor de edad, ang kabahin man sa mga nagtaliwan, upod ang gina siling mga high ranking nga NPA members sa norte sang probinsya.
Sa post sang CHR ila namutikan ang inconsistencies sa identities sang yadtong mga napatay. Naga panindugan ang Armed Forces of the Philippines nga ang 19 ang katapo sang armado nga grupo samtang may mga organization naman nga naga siling nga ang mga biktima nga naga lakip kay Alano kag Ledesma mga sibilyan nga yadto sa lugar para sa community work.
Suno sa CHR ang ano man nga mga claim naga kihananglan sang maid-id kag independent nga verification.
Sa International Humanitarian Law suno sa CHR ang mga partido dapat maga pat-od sang yadtong mga combatant gikan sa mga sibilyan.
Ang indiscriminate nga mga pag pang atake ang gina dumilian kag ang mga sibilyan ang ginapangapinan magluwas na lamang kun sila mismo ang maga pakigbahin sa hostilities ukon gamo.
Sa pihak nga bahin suno sa National Task Force to End Local Communist Armed Conflict ang sitwasyon nga natabo sa Toboso ang naga kinahanglan sang vigilance sa mga pamilya, komunidad, school administration kag mga organization sa Pilipinas kag sa luwas agudto masiguro nga ang mga indibidual labi na ang mga pamatan-on ang mapangapinan kag indi mabutang sa delikado.*
[sibwp_form id=1]