Temporaryo nga gin untat anay ang vaccination program sa Bacolod para sa ginapatuman nga inventory sang supply sang Covid-19 vaccines kag ancillaries sang Department of Health.
Bwas maga balik bakuna sa mga gintalana nga vaccination centers.
Suno kay Dr. Edwin Miraflor, officer in charge sang City Health Office, wala sang expired nga bakuna sa storage facility sang siudad.
Bangud man sang surplus sang bakuna para sa general public nga nabaton sang siudad, wala man anay ginpa-deliver ang pre-purchased nga supply sang AstraZeneca vaccines.
May 121 percent na sa total population sang Bacolod ang nakabaton sang bakuna sandig sa record sang Emergency Operations Center.
Subong nga adlaw wala sang na-record nga Covid-19 cases ang siudad.
Marso sang nagligad nga tuig sang ulihi nga nangin zero Covid-19 case ang Bacolod.
Tungod nagapabilin man sa low risk classification ang siudad ginlakip ini sa mga lugar nga pwede na mapaidalom sa alert level 1 sandig man sa rekomendasyon sang DOH.