Patay ang chief tanod kag anay katapo sang RPA-ABB nga si Elberito Ancero matapos gintiro sang may kapin dose ka mga armado sa Brgy. Bagonbon, San Carlos City sang Martes sang aga.
Suno sa kay Police Major Ryan Villasario ang Deputy Chief of Police sang San Carlos City PNP, gina-alegar nga ang biktima nga maga lawig lang kuntani sang iya nga baka apang hinali na lang ginbalabagan sang mga suspek kag gintiro.
Dugang pa ni Villasario, anay katapo sang RPA-ABB ang biktima.
Ang break away group sa NPA.
Sa isa ka statement gikan sa kay Ka Cecil Estrella, spokesperson sang Roselyn Jean Pelle command sang NPA, ila gina alegar nga informant sang army ang biktima kag may kaso nga rape gani ila nga gin silutan.
Nagapadayon pa ang imbestigasyon sang PNP sa sini nga kaso.