Pamunuan sang Central Negros Electric Cooperative ginklaro nga wala sang may matabo nga blackout.
Pero may posibilidad nga magsaka ang power rate kun mangita sang alternatibo nga power supplier ang Ceneco.
May kinse ka adlaw ang ginhatag nga tion sang Kepco Salcon Power Corporation para mabayaran sang Ceneco ang kapin P280 milyones pesos nga utang sini para sa 20 megawatt power supply agreement.
Gani ginkabalak-an man sang katapo sang consumer group nga kun indi makabayad ang Ceneco sa Kepco-Salcon posible ang pagkadula sang power supply.
Pero ginklaro naman ni Engr. Norman Pollentes upod man sa katapo sang board of directors sang Ceneco nga may alternatibo nga power supplier nga sarang mabaklan sang supply sang Ceneco agud mangin tayuyon ang supply sang kuryente para sa mga kunsomidor.
Ugaling posible man suno sa ila nga magsaka ang bili sang kuryente bangud ang isa sa mga alternatibo solution amo ang WESM ukon ang Wholesale Electricity Spot Market.
Sa pihak sang man sang pressure gikan sa Kepco-Salcon ginpasalig sang utility firm nga indi ini maka-apekto sa separado nga 24 megawatt power supply agreement sa tunga nila.