Naga-install sang Closed Circuit Television Camera sa isa ka building sa Barangay 38, syudad sang Bacolod ang biktima nga ginkilala kay Aljon Mariano, 33-anyos sang ini ang makuryente, kaina sang aga, Miyerkules nga adlaw.
Suno sa mga nakakita, nagkabit pa ang biktima sa scaffolding sa ibabaw sang building antes ini ang tigayon nga ma-rescue.
Na-abtan sang mga rescuers ang lalaki sa scaffolding nga mga 15 ka tapak ang kataason.
Nag-agum siya sang second degree burns sa likod kag sa duha ka butkon.
Gindala si Mariano sa Bacolod Adventist Medical Center sa Brgy. Taculing, upod man ang in-charge sang building kun diin siya naga-install sang CCTV antes siya ang makuryente.
Ginsiling ni Police Captain Francis Depasucat, hepe sang Bacolod Station 1 nga yara naman sa istable nga kondisyon ang biktima.