Napasa na sa first reading ang gina duso nga ordinansa sa Sanguniang Panlungsod sang Bacolod City nga magahatag sang cash incentives para sa mga may latin honors.
Ginsiling ni Councilor Jason Villarosa, ang author sang amo nga ordinansa, 10,000 pesos ang ginaduso nga cash incentive para sa mga mag graduate nga Summa Cum Laude, samtang 5,000 pesos naman sa Magna Cum Laude kag 3,000 pesos sa Cum Laude.
Pagklaro man sini nga limitado lamang ini para sa mga residente sang Bacolod City.
Nasulat man sa ginaduso nga ordinansa nga ma qualify lamang ang naka kuha sang isa ka latin honor kon yara sa “in good standing” ang iya status sa eskwelahan.
Sarang ini nga ma avail sang mga estudyante sa mga pampubliko kag pribado nga eskwelahan.
Suno kay Villarosa, ang paghatag sang ini nga incentive ang magaduso pagid sa mga college students sa siudad nga mangin matutom sa ila pag-eskwela.
“Yes, proposed ordinance ta. This will be a boost sa aton mga students and also, hopefully and an inspiration sa ila that they will do good sa ila pag-eskwela. Once ma approve, ini nga ordinance, and pag-graduate nila may ara sila latin honors, they will be receiving cash incentives from the city”, suno kay Villarosa.*
[sibwp_form id=1]