Ginkasuhan na kahapon sang carnapping ang isa ka lalaki matapos nga iya ginkuha sang Dominggo sa dalan Araneta sa Barangay Tangub ang salakyan nga aberyado.
Suno kay Major Joery Puerto, hepe sang Police Station 8 sa Bacolod, makuha lang kun tani ang tag iya sang salakyan sang tubig bangud nag over heat ang iya salakyan sang gulpi lang mag sulod ang suspek kag gin drive ang iya salakyan.
Yara pa ang misis sang driver sa passenger seat suno kay Puerto kag nag lumpat na lang ini sa bintana sang gin kuha na ka suspek ang ila salakyan.
Gilayon man nag alerto ang kapulisan sa mga kaiping nga police stations gani tigayon nga nadakpan ang suspek sa Circumferential Road sa Barangay Alijis.
Gindala man sa ospital ang suspek matapos ini mag agum sang mga samad matapos nga ginpulihan kastigo.