Kun ano man ang nabaton sang mga empleyado sang gobyerno probinsyal nga additional bonuses sang nagligad nga Disyembre amo man sa gihapon ini ang mabaton sini nga tuig.
Tigayon na nga napanagtag sang kapitolyo probinsyal ang 14th month pay ukon ang yearend bonus kag 5,000 pesos nga cash gift sa regular kag casual employees sini nga Nobyembre.
Sa Disyembre suno kay Governor Eugenio Jose Lacson, maga baton ang mga empleyado sang CNA bonus, Service Recognition Incentive kag Productivity Enhancement Incentive.
Ang CNA sarang na madugangan sang 5,000 pesos, gani kun matigayon ini ang mangin 30,000 pesos na suno sa gobernador, ang PEI naman 5,000 pesos.
Ang SRI suno kay Ruben Diamante ang chairman sang Progressive Alliance of Capitol Employees, ang 10,000 pesos pero pwede ini magdangat sa 20,000, depende sa pagsulundan kag availability of funds.
Sila ang maga lobby para diri.
Sa kabilugan gina lantaw nila ang 55,000 pesos additional bonus sa Disyembre kun matigayon.
Samtang, may batunon man sa separado ang mga Contract of Service kag job order workers.
“Kun kaluy-an, ang aton SRI be mag 20,000 pesos gihapon may ara kita 55,000 nga assurance nga kun i-allow, depende gihapon, naga apelar kita, may requirements kita nga i-comply, ready man ang aton union mag comply sina”, suno kay Diamante.