Digicast Negros

Business sector nagpangayo sang bulig sa siudad sang Bacolod para madala sa vaccination

Bacolod PIO photo

Mga negosyante upod sa mga local leaders kabahin sa mga naga ayo nga malakip sa mga mabakunahan sang Covid-19 vaccine.

Ang Bacolod City isa sa mga top performing local government unit sa bahin sang Covid-19 vaccination.

Sini lang nga Sabado isa ka dugang nga vaccination center sa Robinson’s Mall sa Barangay Mandalagan ang ginbuksan para sa mga luyag magpabakuna nga yara sa A1 tubtob A3 category, kabahin diri mga medical frontliner,mga senior citizen kag may co-morbidity.

Luyag man kuntani sang mga negosyante kabahin diri mga katapo sang Metro Bacolod Chamber of Commerce and Industry nga makapabakuna na.

Suno kay Vice Mayor El Cid Familiaran,pamuno sang Bacolod City Inter Agency Task Force, kasubong sang pila pa ka mga other frontliners nga nalakip sa A4 category, may mga local officials man nga nagahinyo man sang bakuna.

Pero bangud nakasandig lang ang mga LGU sa national government para sa availability sang supply ginakinahanglan suno kay Familiaran nga masunod ang pagsulundan sang World Health Organization.

Pero ginapaabot man sang pamuno sang local iatf ang pag abot sang ginpabakal nga supply sang Covid-19 vaccine sang siudad sa Hulyo.

P300 milyones pesos ang ginpain nga pondo sang Bacolod para sa vaccines.

Exit mobile version
Skip to toolbar