7:33 am Hwebes sang aga na record ang moderately explosive eruption sang bulkan Kanlaon.
Sandig sa seismic kag infrasound records naglawig ini sang tatlo ka minutos.
Ang dark gray plume nag saka sa duha tubtob tatlo ka kilometro sa naibabaw sang crater kag padulong sa east.
Sa video ni Rhey Ann Pineda Betio nga taga Brgy Pula sa Canlaon City makita ang pagtimbuok sang aso kasunod sang pag buga sang bulkan. Tuman ka kusog suno sa iya sang ila nabatian nga lupok kag nabatyagan na nila ang pag vibrate sang duta.
Sa Bacolod City sa post sang mga netizens kitaon man pag timbuok sang aso sang bulkan.
Suno kay Mari-Andylene Quintia, resident volcanologist, sa pila ka lugar sang Canlaon City may yara sang heavy ash fall. Sa mga malapit gid sa bulkan may yara sang tephra fall, ukon ang pag tupa sang daw mga pebbles kadalagko kaangay sa post ni Mondido Escalante Jomarey.
Indi ma confirm as of press time sang Phivolcs kun bala may mga bato gid man nga nagtupa sa pagbuga sang bulkan kaangay sa mga makita sa social media bangud ang mga sources sang Phivolcs sa mga natungdan man nga area indi man maka confirm nga may kasubong nga mga bato.
May pila ka mga lugar sa Cebu ang natup-an sang manipis nga ash fall bangud sang direction sang hangin suno sa Phivolcs.
Sa nabukid nga bahin sang San Carlos City may light ash fall man. Wala sang may gin-report lahar flow pero ini ang gina bantayan.
Sini nga tuig suno kay Quintia, ika apat na ini nga moderately explosive eruption sang bulkan Kanlaon.
“Ang ash mas finer siya. Mas malayo mas pino. Kaya mas dal-on sang hangin ang mas lighter, pag mas malapit ka sa source pwede mas madamol and mas course ang rock, ang mga abo nga makadto. Tephra fall siya”, suno kay Quintia.
[sibwp_form id=1]