Western Visayas ang nalakip sa gin paidalom sa state of calamity.
Ini sandig sa Proclamation number 84 nga ginpapanaog sang Office of the President nga naga paidalom sa state of calamity sang apat ka rehiyon sa pungsod bangud sang Bagyo Paeng.
Ang pagpaidalom sa state of calamity sang isa ka lugar ang naga tugot sang pagpadasig sang rescue, recovery, relief kag rehabilitation efforts sang gobyerno kag pribado nga sector.
Gilayon man mapatuman ang pag control sang presyo sang mga basic kag prime commodities kasubong man ang pag tugot sa pag gamit sang calamity fund.
Magalawig sang anum ka bulan ang state of calamity magluwas na lamang kun iga lift ini sang presidente.
Nalakip ang Negros Occidental sa state of calamity kasunod sang amo deklarasyon suno kay Governor Eugenio Jose Lacson.
Sa October 26-31, 2022 nga datus nga gin pa gwa sang Office of the Governor sang Nobyembre 2, masobra sa 256 million pesos ang halit sa agrikultura. Sa report, sa rice P187,482,232.35 ang halit nga natuga sang bagyo, sa high value crops naman, P2,985,810.00 sa mais, P 1,641,324.00, sa fisheries P14,698,510.00 kag sa irrigation P50,000.00. Ang total amount sang damage sa initial assessment ang nagdangat sa P 256,807,876.35
P1,051,880.00 naman ang production loss sa livestock kag poultry sang probinsya.
P 30,000 ang facility damage.
127 naman ang totally destroyed houses kag 1,615 ang partially damaged.
37,641 ka mga pamilya ukon 149,218 ka persona ang apektado sang Bagyo Paeng sa Negros Occidental.