Ginserbehan sang Land Transportation Office Negros Island Region sang show cause order ang Bacolod Transport and Traffic Management Department ukon BTTMD.
Ini matapos nga mag viral ang isa ka litrato online nga nakuhaan ang ginapatihan pag counterflow sang salakyan sang BTTMD.
Madasig nga na-identify sang LTO ang salakyan bangud sa government license plate kag may nakasulat nga BTTMD sa salakyan.
Sang Hulyo 24, ginserbe sang LTO ang show cause order kag ginbaton man ini sang staff sang BTTMD.
Padayon pa nga gina-usisa sang otoridad ang insidente samtang nagahulat pa ini sang sabat gikan sang ahensya.
Sandig sa imbestigasyon sang siudad, ang empleyado nga nagameho sang salakyan ang nagresponde sa ginakay-o nga bahin sang dalan Araneta agud mag-assist sa lakat sang trapiko.
Nakasabat naman sa show cause order sang LTO ang natungdan nga empleyado.
Nagpangayo man paathag si Bacolod City Mayor Greg Gasataya sa pamunuan sang BTTMD may angut sa insidente.
Nagpasiguro ang LTO-NIR nga ang layi ang para sa tanan kag wala sang may makaluwas diri bisan pa ang yara sa gobyerno.
[sibwp_form id=1]