Bpo Industry Employees’ Network naga panawagan sang hustisya para sa nasapwan nga patay nga call center agent sa Barangay Alijis sa Bacolod.
Katapo sang BPO Industry Employees Network ukon BIEN ang ginpatay kag nasapwan sa sulod sang kubo sa Villa Rosario St. Brgy. Aljis siudad sang Bacolod, sang Lunes.
Ang biktima ginkilala nga si Alex Dolorosa, 35-anyos paralegal officer kag organizer sang BIEN.
Ginpangita si Dolorosa sang iya nga nga kaupdanan sa trabaho kag pamilya sa sulod sang tatlo ka adlaw kag nasapwan nga wala na sang kabuhi.
Para sa organisasyon sang BPO industry, indi lang man masiiling nga personal ang motibo sa pagpatay kay Dolorosa kay indi man lahog-lahog ang iya nga trabaho kag position bilang para legal sang BPO workers.
Isa man siya ka union organizer.
Bilang katapo sang BPO industry nabutang man sila sa ital-italkay kalabanan sa ila naga commute lang pakadto sa trabaho kungab-i.
Lunes nasapwan ang bangkay ni Dolorosa nga may kinse ka mga buno sa isa ka kubo.
Nadula ang iya personal ngapagkabutang nakalakip na ang iya kahita kag motosiklo.