Naga pabilin nga sirado ang border sang Kabankalan City kag sang Mabinay, Negros Oriental.
Ini ang suno sa public information officer sang Kabankalan City nga si Jake Carlyn Tugbang. Suno sa iya, ila paga sundon ang executive order ni Negros Occidental Governor Eugenio Lacson nga naga siling nga padayon nga sirado ang border sang Negros Occidental sa Oriental Negros.
Mga delivery sang basic goods ang gina tugtan nga maka tabok sa Oriental kag maka sulod sa siudad basta may mga nagakaigo nga mga dokumento.
Samtang padayon man ang clearing operation sa illegal structures sa siudad bilang pagsunod sa mando sang DILG. Suno kay tugbang may mga hotline numbers sila nga ginbutang nga mahimo tawgan sang mga residente kun may mga illegal structures nga indi ma aksyonan sang barangay.
Kun mapaslawan mag himo sang aksyon ang barangay, ang LGU na mismo ang mangita sang paagi nga aksyunan ini.